QUE SOMOS: A HISTORIA

O proxecto "Que somos" existe en Andaina dende sempre, pero... quen coñece a historia?
Despois de pescudar encontramos os temas que se elixiron a partires do ano 94/95 e algunhas subtematicas.

Ano 94/95 --> Os Oficios
Deste ano non hai fotos, pero sabemos algunhas subtematicas: policías, panadeiros, músicos, bombeiros...

Ano 95/96 --> Os Animais
Deste ano tampouco hai fotos coma no caso anterior, pero temos algunhas subtemáticas: elefantes, monos, exploradores, leóns...

Ano 96/97 --> O Universo
Deste ano hai fotos xerais das subtemáticas: extraterrestres, arco da vella, estreliñas, lúas, nubes e soles.

Ano 97/98 --> A Auga
Hai algunhas fotos e sábense tódalas subtemáticas: a Praia, as gotas, o río, as fontes, a piscina, a charca, o mar.

98/99 --> Os deportes
Este ano fomos os deportes (este ano tamén podemos ser os deportes -.-). El Ideal fixo unha noticia que ven sobre estas lineas.

As subtematicas foron: tenistas, atletas, patinadores, montañeiros, ciclistas, xinetes.

99/00 --> A Coruña

Deste ano non hai moita informacion.

Subtemáticas: a torre de hercules, aquarium.

------------------------------------------------------------------------------------------------

CAMBIAMOS DE COLE

------------------------------------------------------------------------------------------------

00/01 --> O Circo

Cambiamos de cole e o estreamos un circo.

Había poucas clases e poucas subtemáticas: trapecistas, equilibristas, paiasos, magos.

Ano 01/02 --> A Fraga

Deste ano hai tamén poucas subtemáticas e poucas clases: o río, as fadas, os gnomos, os trasnos e os animais.

Ano 02/03 --> O Castelo

Este é ano do que temos máis fotos, traballamos moito.

Subtemáticas: magos, bufóns, ferreiros, arqueiros, cabaleiros.

Ano 03/04 --> Os debuxos animados

Todas as clases disfrazáronse de series de debuxos animados como: Pokémon, la banda del patio, a sereíña, os pitufos...

Ano 04/05 --> As olimpiadas

Non hai fotos pero sabemos tódalas subtemáticas: xoquei sobre herba, voleibol, tenis, triatlon, baloncesto, esgrima, equitación, natación e patinadores.

Ano 05/06 --> Ciencia ficcion

A xente encarnou personaxes das películas máis famosas de ciencia ficcion: regreso ao futuro, a volta ao mundo en 80 días, Star wars, futurama, X Men, 20.000 leguas de viaxe submarino.

Que seremos este ano? e o próximo? Ata outra edicion de "A historia do proxecto que somos".